Wat bedüüdt Digitaliseren eegentlich in’n Alldag? Kieken wi uns en Bispill an. Sahra un Ana wüllt sik beid sülvstständig maken: as Eenzelünnernehmersches. Wat mööt se dorför doon? Welke Hürden verwacht se? Un wo swaar is de Weg?
🇩🇪 Düütschland
Sahra mutt eerstmol bannig veel nasöken. Denn je na Tätigkeit gellt ganz anner Regeln för ehr:
· Gewarv or nich?
· Künstlersche or nich?
· Registreren bi de IHK or Handwarkskamer nödig?
· Mutt en Berufsgenossenschaft informeert warrn?
In jedem Fall mutt Sarah den Erfassensbagen över ELSTER utfüllen, sik arbeidslos un denn sülvstständig mellen, op de nee Steuernummer töven, en Nummer för de Ümsatzsteuer anfragen, Grünnerstoschuss anfragen, gegebenenfalls de Krankenkass or Rentenversecherung kontakteren.
Vele vun disse Stapp sünd mittlerwiel digital mööglich. Dat Problem: Se findt op verscheden Portale statt. Verscheden Formulare. Verscheden Tostännigkeiten. Verscheden Bearbeidenstieden. För Grünners bedüüdt dat faken mehrere Behördengäng or verscheden Online-Portale. Un leider ok veel Wartstiet.
🇪🇸 Spanien
För Ana in Spanien löppt de Grünnen över den staatlichen CIRCE-Prozess. Över en zentrale digitalen Aflöp warrt mehrere Behörden glieks informeert. Dorto höört u.a.:
· de Steuerbehörde,
· de Sozialversecherung,
· dat Anmellen vun de wirtschaftliche Tätigkeit.
Vele Angaven mööt blot eenmol maakt warrn un de Daten warrt anschließend twüschen de Behörden wiedergeven. Dat gifft weniger Regeln un weniger Wartstiet – man ok keen Grünnerstoschuss. Dorför betahlt Ana in’t eerste Johr düütlich minnerte Sozialafgaven. Vör allen aver hett se mehr Tiet, sik op dat to konzentreren, worüm dat geiht: ehr Business.
Dit Bild is mit KI maakt worrn.
Bornen:
Bundesministerium för Wirtschaft un Energie (Düütschland), ELSTER, Agencia Tributaria (Spanien), CIRCE-System (Centro de Información y Red de Creación de Empresas).
Hier finnst Du den Text op LinkedIn: https://www.linkedin.com/posts/janwegener_digitalisierung-verwaltung-deutschland-activity-7488481087829098497-BnjN?utm_source=share&utm_medium=member_desktop&rcm=ACoAAF-yDsQBgbICDl3wlRGoCQSZHiHxHemNJR8