Dat föderale Düütschland leevt Sünnerwegen, Eenzelentwicklungen un nich-kompatible Systeme. Man: Allens dat hemmt de Digitaliseren vun de Verwaltung. Denn wenn jede Kommune eegen Lösungen entwickelt, kost dat nich blot unnödige Ressourcen, sondern verhinnert ok en glückte Integratschoon vun de Systeme. Un wat för Düütschland gellt, gellt natürlich ok för de EU.

Wenn jedes Land Inselösungen bruukt, gifft dat wedder keen eenheitliche Systeme. Jüst dormit schall de Interoperable Europe Act Schluss maken. Dat Gesett gifft vör, dat öffentliche Verwaltungen in Europa Modelle bruken mööt, de annerwor al erfolgriek entwickelt un verproovt worrn sünd.

Man wat bedüüdt dat konkret?

• Öffentliche Stellen schöölt bestahnde Lösungen nich nee buun, sondern wedderbruken.
• Gemeensame Standards un Datenmodelle warrt verbindlicher.
• Interoperabilität warrt nich mehr empfahlen, sondern infoddert.

Man: Verplichtend is dat (eerstmol) nich. Kommunen mööt aver in Tokunft begründen, wenn se op en Nee-Entwicklung sett, ansteed en verprooft un fardig System to bruken.

Sinnvull or inschränkend? Wat meent Ji?

Born:

Europäische Kommission – Interoperable Europe Act

Bild: Dit Bild is mit Hülp vun KI maakt worrn.

Hier finnst Du den Text op LinkedIn: https://www.linkedin.com/feed/update/urn%3Ali%3Ashare%3A7417154057032720385