Dat is en Naricht as ut en anner Dimensioon – un doch echt un nah. Unse noordlichen Naver Dänemark hett Breven un Breefkasten afschafft. Klingt heftig, is aver blot logisch, denn siet dat Johr 2000 is dor dat Breefopkamen üm rüm 90 % sunken. Narichten warrt digital sendt. Ok un grad vun Behörden. En riesigen Schritt Richtung de total digitaliseerte Gesellschaft. Un nich toletzt en Faktor in’n internationalen Wettbewerb. Denn dat Enn vun de Breven spoort Privatpersonen un Bedrieven groote Summen Tiet un Geld. En Vörbild för Düütschland? Wat meent Ji?

Hier gifft dat aktuell övrigens keeneswegs Plänen, dat Dänemark nadotoon. Ok mittel- un langfristig nich. Richtig so or verkehrt?

PS: Ganz mööt de Däänen ok tokamen nich op Breven verzichten. Wer unbedingt wieder op Papeer kommunizeren will, kann dat över (düür) private Anbieders doon.

Bild: torben7400 för Pixabay.

Hier finnst Du den Text op LinkedIn: https://www.linkedin.com/feed/update/urn%3Ali%3Ashare%3A7413930640917643264