Vision? Dänemark! Dänemark will (all wedder) vörangahn. Nadem dat Land al beslaten hett, all staatlichen Breven aftoschaffen, un de Zero-Input-Verwaltung Stück för Stück ümsett, geiht de nee Plan noch wieder: Verwaltung ahn minschlich Doon.

De so nöömte No-Touch-Verwaltung folgt en radikal Prinzip: Se passeert, ahn dat jichenseen wat doon mutt. Automaatsch, faken unsichtbor, vörutdenkend un mennigmal al, ehr jichenseen weet, dat he ehr bruukt. Wer to’n Bispill ümtrecken deit, schall in Dänemark nix mehr doon möten, as sien nee Wandfarv utsöken. An- un Ummellen passeert vun sülvst. Wer en Kind kriggt, kriggt vun de nakamen Maand af automaatsch Kinnergeld op sien Konto. Un wer bald in Rente geiht, warrt digital dorvun benaricht, dat al allens automaatsch bi de Krankenkass un so ümstellt worrn is un de eerste Rente gau op’t Konto överwiest warrt. Eenfach so!

Radikal – un nich ahn Risiko! Denn wat is mit den Datenschutz? Un wer kickt dorop, dat allens richtig is? Disse Fragen deit Dänemark al vandaag bespreken. Während vele Länner noch digitale Formulare buut, kümmert sik Dänemark al üm de nakamen Stoop vun de Verwaltungsdigitalisierung: Wodennig kann Verwaltung lopen, ahn dat Börger överhaupt mit ehr to doon hebbt?

Bild: Dit Bild is mit KI maakt worrn.
Born:
GovInsider: Proactive and No-Touch Public Services in Denmark

Hier finnst Du den Text op LinkedIn: https://www.linkedin.com/feed/update/urn%3Ali%3Ashare%3A7472248452270362624