Nee. Ganz in unse Nöögde süht man, wodennig dat geiht. Portugal, Estland, Dänemark, man ok wieder weg in Südkorea. Egal wor de Champions vun de Verwaltungsdigitalisierung sitt. Een hebbt se gemeen: Se sünd eher lütt. Schafft denn würklich keen grötter Land, wat Düütschland so swaar al Johren versöökt? Doch! Denn Spanien is nich blot Europas Wassdomsmeester, sondern ok en Vörbild in Saken Digitaliseren. Grund noog, uns dat Land nauer antokieken.

Spanien hett in de leste Johren still un konsequent een vun de leistungsfähigsten digitalen Verwaltungen Europas opbuut un höört in’n eGovernment-Benchmark vun de Europäische Kommission siet Johren to de Spitzengrupp. Ok in internationale Vergliek vun de OECD un de Vereenten Natschoonen liggt dat Land düütlich vör Düütschland.

De wichtigste Grund dorför is de konsequente Standardiseren! Mit dat zentrale Portal Administración.gob.es un de digitale Identität Cl@ve köönt Börgers vele Leistungen mit een eenheitlichen Togang bruken. Noch wichtiger is de Architektur dorachter. Över de Plataforma de Intermediación de Datos wesselt Behörden Informatschoonen direkt mitenanner ut. De Lüüd in Spanien mööt dorüm vele Bewiesen gornich mehr sülvst inreecken. Dat spoort Tiet, Papeer un Gäng to de Behörden.

Spanien wiest dormit, wat moderne Verwaltung utmaakt. Nich so veel Online-Formulare as mööglich. Sondern en System, dat vörhannen Daten kloog bruukt.

Hebbt Ji al mal Kontakt to de digitale Verwaltung in Spanien hatt?

Bild: Sam Williams op Unsplash

Bornen:

• European Commission, eGovernment Benchmark 2024
• OECD, Digital Government Studies: Spain
• Gobierno de España, Cl@ve un Plataforma de Intermediación de Datos

Hier finnst Du den Text op LinkedIn: https://www.linkedin.com/feed/update/urn%3Ali%3Ashare%3A7461423229220388864