Man warrt de digitale Verwaltung dordör ok beter?

De Utgaven för Digitaliseren in’n öffentlichen Sektor stiggt siet Johren. Programme warrt opleggt, Budgets höcht, Strategien verabscheedt. Klingt na Vörankamen, is dat aver nich – nich jümmer. Aktuelle OECD-Analysen wiest: Mehr Investitionen föhrt nich automaatsch to beter Verwaltung. Man worüm is dat so?

Faken flütt Geld in nee Systeme un groote Plattformprojekten. De bruukt Johren, üm live to gahn un scheiternt mennigmol op’n Weg dorhen, wenn de Ambitionen to groot weern. Beslutten weer, dat Geld in den Wannel vun de Arbeidsweis vun Verwaltung to investeeren. Denn jüst nu bliev de Verlöp fragmenteert, Verwaltungsvörgäng streckt sik över en Dutt Behörden, Daten warrt wieder bewaakt ansteed deelt un Medienbröök bliev. Systeme warrt opbuut, man se griept nich inenanner. Un jüst hier liggt dat Problem!

Dat wiest sik besünners düütlich bi groote Programme: Je höcher de Investitionen, je höcher de Komplexität. Un je komplexer de Vörhaven, je swaarer warrt de Ümsetten. Dat föhrt to en Paradox: Dat warrt mehr investeert as je vördem. Man de tatsächliche Verbetern för Börgers bliev faken begrenzt.

Wat dorgegen hölpt? Realistische Verwachtungen, Disruptschoon vun ole Denk- un Arbeidsweisen, to’n Bispill ok dör Schoolungen un Wiederbildungen. Projekten, de kleen anfangt un sik stännig wiederentwickeln köönt. Ännerte Gesetten, besünners, wat den Ümgang mit Daten angeiht.

Wat mutt sik Jo Meenen na ännern, dormit Verwaltung to marken beter warrt?

Bild: Ryutaro Uozumi för Unsplash

Bornen:

OECD (2026): Going Digital Measurement Roadmap 2026

https://lnkd.in/e_J-e3Ma

OECD (2025/2026): Analysen in’n Rebeed Public Governance un Digital Government

https://lnkd.in/ehfcY2YD

OECD (2023): Digital Government in Australia (wiest bispillhaft Utforderungen bi Wirken un Ümsetten liekers hooge Investitionen)

https://lnkd.in/eAeWHgjz

Hier finnst Du den Text op LinkedIn: https://www.linkedin.com/feed/update/urn%3Ali%3Ashare%3A7447597376736948224