En aktuelle Studie to digitale Innovatschoonsstrategien in’n öffentlichen Sektor wiest: Dat warrt veel daan. Doch bi nauer Kieken is so mennig Innovatschoon nich mehr as en Testballon – de na erfolgriekem Start dorvunswevt un vergeten warrt.

Innovatschoon ännert meist een Element vun’t System, jüst nu to’n Bispill de App för digitale Fohrtüügpapeeren.

Echte Digitaliseren ännert aver dat System as Ganzet.

En nee Online-Formular is Innovatschoon.

En dörchgängig digitalen Prozess ahn Medienbröök is Digitaliseren.

En KI-Chatbot is Innovatschoon.

KI, de automaatsch all Anträge prüvt, en Ännern vun’t System.

De Studie wiest: Vele Organisatschoonen bliev in’n projektbaseerten Innovatschoonsmodus hangen. Denn wat Funscheneernes to schapen, is dat een. Dat bestahnde System in Fraag to stellen, ümtokrempeln or gor vullständig to ersetten, dat anner. Un hier hett Düütschland noch veel Nahoolbedarf.

De nee App för digitale Fohrtüügpapeeren is en netten Anfang. Man blot, wenn de App irgendwenn ALL relevanten Daten un Papeeren speichert, weer se echte Digitaliseren.

Hebbt Ji ok al mal en erfolgrieken Testballon hatt, de denn nie ümsett wurr? Wat weern de Gründe?

Born:

Digital innovation strategies in the public sector (2025), veröffentlicht över Elsevier / ScienceDirect

Bild: Роман Смирнов för Unsplash

Hier finnst Du den Text op LinkedIn: https://www.linkedin.com/feed/update/urn%3Ali%3Ashare%3A7422992961514143744