Is DAT de Lösung vun de Digitaliseringskrise? All Staaten in Europa digitaliseert. En poor gauer, en poor in Düütschland-Tempo. Bit nu kockt jeder sien eegen Süppken. Bit nu! Denn de EU arbeidt an en Projekt, dat de Verwaltungsdigitalisierung grundlegend ännern kunn. Nich an en nee App. Nich an noch en Portal. Sondern an en gemeensam technologisch Fundament.

De Naam, de dorför jümmer faker fallt, heet GovStack Europe. Klingt komisch? Is aver sinnvull. Endlich schall dat en eenheitlichen Digitaliseringsbaukasten geven, ut den sik jedes Land de Elementen treckt, de dat bruukt. Also jüst so, as dat al vele Länner national maakt un dat ok in Düütschland al lieke Ansätze gifft.

Worüm is dat so wichtig? Wiel Europa bit nu meist digitale Inseln buut. Jedes Land entwickelt eegen Portalen, eegen Identitäten un eegen Architekturen. Dat is düür, langsam un swaar to skaleren. GovStack Europe kunn dat ännern. Gemeensame Standards würrn:

• Entwicklungskösten sinken laten
• Interoperabilität beter maken
• Innovation gauer maken
• un digitale Verwaltung europawied glieker maken.

För Börgers kunn dat bedüden, dat digitale Services tokamen grenzöverschriedend funscheneert. För Bedrieven kunn Europa digital endlich stärker tosamenwassen. Man jüst dorin liggt ok de Utforderungen. Denn Verwaltung is jümmer ok Utdruck vun nationale Strukturen, Gesetten un politische Kultur.

Of de EU-Staaten mitmaakt? Vermoodlich löppt dat as jümmer: En poor maakt mit, en poor deelwies un en poor gornich. Typisch EU eben. Man liekers en wichtigen Schritt in de richtige Richtung.

Bild: Dit Bild is mit KI maakt worrn.

Bornen

• European Commission, European Digital Identity Wallet
• International Telecommunication Union, GovStack Initiative
• Digital Public Goods Alliance, GovStack Framework
• OECD, Digital Public Infrastructure Reports
• European Commission, European Interoperability Framework

Hier finnst Du den Text op LinkedIn: https://www.linkedin.com/feed/update/urn%3Ali%3Ashare%3A7464588397827907584