Wi snackt hier faken över Düütschland, mennigmol Europa un sülten de USA. Man wo digital is de Verwaltung in dat Land, dat so bannig för IT-Kompetenz steiht?

Indien hett een vun de gröttsten staatlichen Digitalplattformen vun de Welt opbuut.

Ansteed as Düütschland eenzelne Systeme to entwickeln, sett Indien op groote Plattformen, in de na un na jümmer mehr Leistungen aftorepen wesen schöölt: Aadhaar, UPI un India Stack.

Disse Systeme büült de Basis för allens anners. Un ok wenn veel plant is, is dat meiste noch lang nich in’n Alldag vun de Lüüd ankamen – meist so, as wi dat ut Düütschland kennt. Besünners erfolgriek is de Digitaliseren bit nu in’n Finanzsektor, to’n Bispill för digitale Betahlen, gaue Kontoöpnen un staatliche Överwiesungen direkt an de Börgers (wat Düütschland sik noch jümmer swaar deit). Hier hebbt de över een Milliarde Inder en massiven Digitaliseringsschub erleevt.

In anner Rebeden steckt veel noch in’t Pilotstadium. Grad in de Verwaltung. Ok de Digitaliseren vun’t Gesundheitswesen fangt jüst eerst an. In Indien steiht also dat digitale Grundgerüst – man de Anwendungen fehlt. De Probleme sünd as so faken:

organisatorische Ümsetten

Integratschoon in Behördenverlöp

verscheden Riepheit vun de Sektoren.

Liekers köönt wi veel vun Indien lehren.

Bild: Dit Bild is mit KI maakt worrn.

Born: The Economic Times – Bericht över den Stand vun Digital Public Infrastructure in Indien (2025/2026)

Hier finnst Du den Text op LinkedIn: https://www.linkedin.com/feed/update/urn%3Ali%3Ashare%3A7435069526557237248